ਕੋਰੀਅਨ ਲੜਕੀ ਨੇ ਸੀਐਮ ਮਾਨ ਨਾਲ ਪੰਜਾਬੀ ਵਿਚ ਕੀਤੀ ਗੱਲਬਾਤ
ਚੰਡੀਗੜ੍ਹ/ਬਿਊਰੋ ਨਿਊਜ਼
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਇਨ੍ਹੀਂ ਦਿਨੀਂ ਵਿਦੇਸ਼ ਦੌਰੇ ਦੌਰਾਨ ਦੱਖਣੀ ਕੋਰੀਆ ਵਿਚ ਹਨ। ਇਸ ਦੌਰਾਨ ਉਨ੍ਹਾਂ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋਇਆ ਹੈ। ਜਿਸ ਵਿਚ ਮੁੱਖ ਮੰਤਰੀ ਮਾਨ ਇਕ ਕੋਰੀਅਨ ਲੜਕੀ ਨਾਲ ਮੁਲਾਕਾਤ ਕਰਦੇ ਦਿਖਾਈ ਦੇ ਰਹੇ ਹਨ। ਵੀਡੀਓ ਵਿਚ ਇਹ ਲੜਕੀ ਬਹੁਤ ਚੰਗੇ ਤਰੀਕੇ ਨਾਲ ਪੰਜਾਬੀ ਭਾਸ਼ਾ ਬੋਲਦੇ ਹੋਏ ਮੁੱਖ ਮੰਤਰੀ ਨਾਲ ਗੱਲਬਾਤ ਕਰਦੀ ਨਜ਼ਰ ਆ ਰਹੀ ਹੈ। ਇਹ ਲੜਕੀ ਹੱਸਦੇ ਹੋਏ ਕਹਿ ਰਹੀ ਹੈ ਕਿ ਤੁਹਾਨੂੰ ਮਿਲ ਕੇ ਚੰਗਾ ਲੱਗਾ ਅਤੇ ਪਹਿਲੀ ਵਾਰ ਕਿਸੇ ਪੰਜਾਬੀ ਮੁੱਖ ਮੰਤਰੀ ਨਾਲ ਮਿਲ ਰਹੀ ਹਾਂ। ਭਗਵੰਤ ਮਾਨ ਨੇ ਵੀ ਗੱਲਬਾਤ ਵਿਚ ਰੁਚੀ ਦਿਖਾਉਂਦੇ ਹੋਏ ਪੁੱਛਿਆ ਕਿ ਤੁਸੀਂ ਪੰਜਾਬੀ ਕਿਥੋਂ ਸਿੱਖੀ ਹੈ। ਇਸ ’ਤੇ ਇਹ ਕੋਰੀਅਨ ਲੜਕੀ ਨੇ ਕਿਹਾ ਕਿ ਉਸ ਨੇ ਪੰਜਾਬੀ ਆਪਣੇ ਸੁਸਰਾਲ ਵਾਲਿਆਂ ਕੋਲੋਂ ਸਿੱਖੀ ਹੈ, ਜੋ ਮੂਲ ਰੁੂਪ ਵਿਚ ਪੰਜਾਬ ਤੋਂ ਹਨ। ਉਸ ਨੇ ਇਹ ਵੀ ਦੱਸਿਆ ਕਿ ਪਰਿਵਾਰ ਵਿਚ ਸਾਰੇ ਮੈਂਬਰ ਪੰਜਾਬੀ ਬੋਲਦੇ ਹਨ। ਇਹ ਗੱਲਾਂ ਸੁਣ ਕੇ ਸੀਐਮ ਮਾਨ ਵੀ ਹੈਰਾਨ ਰਹਿ ਗਏ।
‘ਪੰਜਾਬੀ’ ਬੋਲਣ ਵਾਲੀ ਕੋਰੀਅਨ ਲੜਕੀ ਨੂੰ ਮਿਲੇ ਭਗਵੰਤ ਮਾਨ
