ਭਾਰਤ ਕੋਲ ਬਹੁਤ ਸਾਰੀ ਮਾਇਆ, ਅਸੀਂ 2.1 ਕਰੋੜ ਡਾਲਰ ਕਿਉਂ ਦੇਈਏ: ਟਰੰਪ

ਨਿਊਯਾਰਕ : ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਭਾਰਤ ‘ਚ ‘ਵੋਟਰਾਂ ਦੀ ਸ਼ਮੂਲੀਅਤ ਵਧਾਉਣ’ ਲਈ 2.1 ਕਰੋੜ ਡਾਲਰ ਦੀ ਦਿੱਤੀ ਜਾਂਦੀ ਮਾਲੀ ਮਦਦ ‘ਤੇ ਸਵਾਲ ਖੜ੍ਹੇ ਕਰਦਿਆਂ ਦੁਹਾਇਆ ਕਿ ਭਾਰਤ ‘ਚ ਟੈਕਸ ਵਧ ਹੋਣ ਕਾਰਨ ਅਮਰੀਕਾ ਉਥੇ ਵਪਾਰ ਨਹੀਂ ਕਰ ਸਕਦਾ ਹੈ। ਟਰੰਪ ਨੇ ਕਿਹਾ, ”ਭਾਰਤ ਦੁਨੀਆ ‘ਚ ਸਭ ਤੋਂ ਵੱਧ ਟੈਕਸ ਲਗਾਉਣ ਵਾਲੇ ਮੁਲਕਾਂ ‘ਚੋਂ ਇਕ ਹੈ।”
ਮਾਰ-ਏ-ਲਾਗੋ ‘ਚ ਹੁਕਮਾਂ ‘ਤੇ ਦਸਤਖ਼ਤ ਕਰਦਿਆਂ ਟਰੰਪ ਨੇ ਕਿਹਾ, ”ਭਾਰਤ ਨੂੰ ਅਮਰੀਕਾ 2.1 ਕਰੋੜ ਡਾਲਰ ਦੀ ਸਹਾਇਤਾ ਕਿਉਂ ਦੇ ਰਿਹਾ ਹੈ? ਉਨ੍ਹਾਂ ਕੋਲ ਬਹੁਤ ਸਾਰੀ ਮਾਇਆ ਹੈ। ਭਾਰਤ ਦੁਨੀਆ ‘ਚ ਸਭ ਤੋਂ ਵੱਧ ਟੈਕਸ ਲਗਾਉਣ ਵਾਲੇ ਮੁਲਕਾਂ ‘ਚੋਂ ਇਕ ਹੈ। ਟੈਕਸ ਜ਼ਿਆਦਾ ਹੋਣ ਕਾਰਨ ਅਸੀਂ ਉਥੇ ਮੁਸ਼ਕਲ ਨਾਲ ਹੀ ਵਪਾਰ ਕਰ ਪਾਉਂਦੇ ਹਾਂ।” ਜ਼ਿਕਰਯੋਗ ਹੈ ਕਿ ਟਰੰਪ ਨੇ ਪਿਛਲੇ ਮਹੀਨੇ ਟੈਸਲਾ ਦੇ ਸੀਈਓ ਐਲਨ ਮਸਕ ਨੂੰ ਨਵੇਂ ਪ੍ਰਸ਼ਾਸਕੀ ਕੁਸ਼ਲਤਾ ਬਾਰੇ ਵਿਭਾਗ (ਡੀਓਜੀਈ) ਦਾ ਮੁਖੀ ਲਾਇਆ ਹੈ। ਸ਼ਾਸਨ ਵਿੱਚ ਸੁਧਾਰ ਕਰਨ ਅਤੇ ਵਾਧੂ ਖ਼ਰਚਿਆਂ ਨੂੰ ਰੋਕਣ ਤਹਿਤ ਡੀਓਜੀਈ ਨੇ 15 ਫਰਵਰੀ ਨੂੰ ਟੈਕਸਦਾਤਾਵਾਂ ਦੇ ਕਰੋੜਾਂ ਡਾਲਰਾਂ ਦੀ ਲਾਗਤ ਵਾਲੇ ਕਈ ਪ੍ਰੋਗਰਾਮਾਂ ਨੂੰ ਰੱਦ ਕਰਨ ਦਾ ਐਲਾਨ ਕੀਤਾ ਸੀ।
ਟਰੰਪ ਦੀਆਂ ਧਮਕੀਆਂ ਵਿਚਾਲੇ ਕੈਨੇਡਾ ‘ਚ ਫੌਜੀ ਭਰਤੀ ਦੀਆਂ ਅਰਜ਼ੀਆਂ ਵਿਚ ਵਾਧਾ
ਓਟਵਾ : ਕੈਨੇਡਾ ਦੀ ਹਥਿਆਰਬੰਦ ਫੌਜ ਸਾਲ ਲਈ ਆਪਣੇ ਭਰਤੀ ਟੀਚੇ ਨੂੰ ਪੂਰਾ ਕਰਨ ਦੇ ਰਾਹ ‘ਤੇ ਹੈ, ਕੁਝ ਹੱਦ ਤੱਕ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਵ੍ਹਾਈਟ ਹਾਊਸ ਵਾਪਸ ਆਉਣ ਤੋਂ ਬਾਅਦ ਮਹੀਨੇ ਵਿੱਚ ਅਰਜ਼ੀਆਂ ਵਿੱਚ ਵਾਧਾ ਦੇਖਿਆ ਗਿਆ ਹੈ। ਸੀਨੀਅਰ ਫੌਜੀ ਅਧਿਕਾਰੀਆਂ ਨੇ ਪਿਛਲੇ ਮਹੀਨੇ ਟਰੰਪ ਦੀ ਆਮਦ ਨੂੰ ਕਿਸੇ ਖਾਸ ਕਾਰਕ ਨੂੰ ਜ਼ਿੰਮੇਵਾਰ ਠਹਿਰਾਉਣ ਤੋਂ ਇਨਕਾਰ ਕੀਤਾ, ਉਨ੍ਹਾਂ ਨੇ ਟਰੰਪ ਦੇ ਕਬਜ਼ੇ ਦੀਆਂ ਧਮਕੀਆਂ ਤੋਂ ਪੈਦਾ ਹੋਣ ਵਾਲੇ ਰਾਸ਼ਟਰੀ ਮਾਣ ਦੇ ਖ਼ਤਰੇ ਨੂੰ ਅਰਜ਼ੀਆਂ ਵਿਚ ਵਾਧੇ ਦਾ ਵੱਡਾ ਕਰਨ ਦੱਸਿਆ ਹੈ। ਮਿਲਟਰੀ ਪਰਸੋਨਲ ਜਨਰੇਸ਼ਨ ਗਰੁੱਪ ਦੇ ਕਮਾਂਡਰ ਪਾਸਕਲ ਬੇਲਹੂਮੇਅਰ ਨੇ ਕਿਹਾ ਕਿ ਪਿਛਲੇ ਮਹੀਨੇ ਉਨ੍ਹਾਂ ਕੋਲ ਪਿਛਲੇ ਸਾਲ ਇਸ ਵਾਰ ਨਾਲੋਂ ਲਗਭਗ 1,000 ਵੱਧ ਬਿਨੈਕਾਰ ਸਨ। ਕੈਨੇਡੀਅਨ ਆਰਮਡ ਫੋਰਸਿਜ਼ ਦੀ ਭਰਤੀ ਪ੍ਰਕਿਰਿਆ ਵਿੱਚ ਤਬਦੀਲੀਆਂ ਬਾਰੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਬੇਲਹੂਮੇਅਰ ਨੇ ਕਿਹਾ ਕਿ ਹੁਣ ਤੱਕ ਫੌਜ ਕਿਸੇ ਵੀ ਅਜਿਹੇ ਵਿਅਕਤੀ ਨੂੰ ਟਰੈਕ ਨਹੀਂ ਕਰ ਰਹੀ ਹੈ ਜੋ ਇਹ ਕਹਿ ਰਿਹਾ ਹੈ ਕਿ ਉਹ ਟਰੰਪ ਦੇ 51ਵੇਂ ਰਾਜ ਭਾਸ਼ਣ ਜਾਂ ਨਾਟੋ ਖਰਚ ਦੀਆਂ ਧਮਕੀਆਂ ਦੇ ਮੱਦੇਨਜ਼ਰ ਅਜਿਹਾ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਸਮੇਂ ਦੇ ਨਾਲ ਉਨ੍ਹਾਂ ਕੋਲ ਹੋਰ ਵੀ ਬਿਹਤਰੀਨ ਅੰਕੜੇ ਹੋਣਗੇ।
ਚੀਫ ਆਫ ਮਿਲਟਰੀ ਪਰਸੋਨਲ ਲੈਫਟੀਨੈਂਟ-ਜਨਰਲ ਲੀਸ ਬੌਰਗਨ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਚਾਹੇ ਤੁਹਾਡੇ ਕੋਲ ਸੇਵਾ ਕਰਨ ਦਾ ਜੋ ਵੀ ਕਾਰਨ ਹੋਵੇ, ਕਿਰਪਾ ਕਰਕੇ ਭਰਤੀ ਕੇਂਦਰ ਜਾਓ ਅਤੇ ਆਪਣੀ ਅਰਜ਼ੀ ਦਿਓ। ਇਸ ਦੌਰਾਨ ਚੀਫ ਆਫ ਦ ਡਿਫੈਂਸ ਸਟਾਫ ਜਨਰਲ ਜੈਨੀ ਕੈਰੀਗਨਨ ਨੇ ਇਹ ਪੁੱਛੇ ਜਾਣ ‘ਤੇ ਕਿ ਕੀ ਇਨ੍ਹਾਂ ਧਮਕੀਆਂ ਵਿੱਚ ਅਮਰੀਕਾ ਸੰਭਾਵੀ ਤੌਰ ‘ਤੇ ਕੈਨੇਡਾ ਨੂੰ ਆਪਣੇ ਨਾਲ ਜੋੜਨਾ ਚਾਹੁੰਦਾ ਹੈ ? ਇਸ ‘ਤੇ ਕਿਹਾ ਕਿ ਫੌਜੀ ਤੌਰ ‘ਤੇ ਅਜਿਹਾ ਬਿਲਕੁਲ ਨਹੀਂ ਹੋ ਸਕਦਾ। ਕਿਉਂਕਿ ਮੌਜੂਦਾ ਕੈਨੇਡਾ-ਅਮਰੀਕਾ ਸਬੰਧ ਫੌਜੀ ਸਹਿਯੋਗ ਦੇ ਦ੍ਰਿਸ਼ਟੀਕੋਣ ਤੋਂ ਖੜ੍ਹਾ ਹੈ, ਇਹ ਬਹੁਤ ਸਥਿਰ ਹੈ।