ਮਿਸੀਸਾਗਾ ਐਲੀਮੈਂਟਰੀ ਸਕੂਲ ‘ਚ ਮਿਲੇ ਕਰੋਨਾ ਦੇ 21 ਨਵੇਂ ਮਾਮਲੇ

ਮਿਸੀਸਾਗਾ: ਮਿਸੀਸਾਗਾ ਦੇ ਐਲੀਮੈਂਟਰੀ ਸਕੂਲ ਦੀਆਂ ਪੰਜ ਕਲਾਸਾਂ ਦੇ ਵਿਦਿਆਰਥੀਆਂ ਵਿੱਚ ਕੋਵਿਡ-19 ਦੇ 21 ਮਾਮਲੇ ਪਾਏ ਜਾਣ ਤੋਂ ਬਾਅਦ ਉਨ੍ਹਾਂ ਨੂੰ ਆਈਸੋਲੇਟ ਕਰਨ ਦੀ ਹਦਾਇਤ ਕੀਤੀ ਗਈ ਹੈ। ਇਹ ਜਾਣਕਾਰੀ ਸਕੂਲ ਬੋਰਡ ਨੇ ਦਿੱਤੀ।
ਡਫਰਿਨ ਪੀਲ ਕੈਥੋਲਿਕ ਡਿਸਟ੍ਰਿਕਟ ਸਕੂਲ ਬੋਰਡ ਅਨੁਸਾਰ 30 ਨਵੰਬਰ ਨੂੰ ਵਨੀਤਾ ਰੋਡ ਉੱਤੇ ਸੇਂਟ ਜੇਮਜ਼ ਕੈਥੋਲਿਕ ਗਲੋਬਲ ਲਰਨਿੰਗ ਸੈਂਟਰ ਉੱਤੇ ਆਊਟਬ੍ਰੇਕ ਐਲਾਨ ਦਿੱਤੀ ਗਈ ਸੀ। ਹਾਲਾਂਕਿ ਪੰਜ ਕਲਾਸਾਂ ਨੂੰ ਆਈਸੋਲੇਟ ਕੀਤਾ ਜਾ ਚੁੱਕਿਆ ਹੈ ਪਰ ਅਜੇ ਵੀ ਸਕੂਲ ਖੁੱਲ੍ਹਾ ਹੀ ਹੈ। ਸਕੂਲ ਦੇ ਪ੍ਰਿੰਸੀਪਲ ਵੱਲੋਂ ਮਾਪਿਆਂ ਨੂੰ ਲਿਖੇ ਪੱਤਰ ਵਿੱਚ ਆਖਿਆ ਕਿ ਸਾਡਾ ਸਕੂਲ ਬੱਚਿਆਂ ਤੇ ਸਟਾਫ ਲਈ ਖੁੱਲ੍ਹਾ ਹੈ। ਉਨ੍ਹਾਂ ਆਖਿਆ ਕਿ ਸਕੂਲ ਦੀ ਵਾਧੂ ਸਫਾਈ ਕੀਤੀ ਜਾ ਚੁੱਕੀ ਹੈ।