ਅਰੂਸਾ ਆਲਮ ਦਾ ਛਲਕਿਆ ਦਰਦ – ਕਹਿੰਦੀ ਹੁਣ ਮੈਂ ਕਦੀ ਵੀ ਭਾਰਤ ਨਹੀਂ ਆਊਂਗੀ

ਚੰਡੀਗੜ੍ਹ/ਬਿਊਰੋ ਨਿਊਜ਼
ਪੰਜਾਬ ਦੀ ਰਾਜਨੀਤੀ ਵਿਚ ਪਿਛਲੇ ਕੁਝ ਦਿਨਾਂ ਤੋਂ ਕੇਂਦਰ ਬਿੰਦੂ ਬਣੀ ਅਰੂਸਾ ਆਲਮ ਦਾ ਦਰਦ ਛਲਕਿਆ ਹੈ। ਅਰੂਸਾ ਕਹਿੰਦੀ ਹੈ ਕਿ ਉਹ ਬੇਹੱਦ ਪਰੇਸ਼ਾਨ ਹੈ ਕਿ ਉਨ੍ਹਾਂ ਨੂੰ ਪੰਜਾਬ ਦੀ ਰਾਜਨੀਤੀ ਵਿਚ ਚੱਲ ਰਹੀ ਖਿੱਚੋਤਾਣ ਦੌਰਾਨ ਬਦਨਾਮ ਕੀਤਾ ਜਾ ਰਿਹਾ ਹੈ। ਅਰੂਸਾ ਆਲਮ ਨੇ ਕਿਹਾ ਕਿ ਉਹ ਹੁਣ ਕਦੀ ਵੀ ਭਾਰਤ ਨਹੀਂ ਆਉਣਾ ਚਾਹੇਗੀ। ਉਸ ਨੇ ਕਿਹਾ ਕਿ ਸੁਖਜਿੰਦਰ ਸਿੰਘ ਰੰਧਾਵਾ, ਨਵਜੋਤ ਸਿੰਘ ਸਿੱਧੂ ਅਤੇ ਡਾ. ਨਵਜੋਤ ਕੌਰ ਸਿੱਧੂ ਕੀ ਦੀਵਾਲੀਆ ਹੋ ਗਏ ਹਨ ਕਿ ਇਸ ਤਰ੍ਹਾਂ ਦੀ ਘਟੀਆ ਰਾਜਨੀਤੀ ’ਤੇ ਉਤਰ ਆਏ ਹਨ। ਅਰੂਸਾ ਨੇ ਕਿਹਾ ਕਿ ਉਹ ਪਿਛਲੇ 16 ਸਾਲਾਂ ਤੋਂ ਭਾਰਤ ਆ ਰਹੀ ਹੈ, ਉਸ ਕੋਲ ਇੰਟਰਨੈਸ਼ਨਲ ਵੀਜ਼ਾ ਹੁੰਦਾ ਸੀ ਅਤੇ ਉਹ ਸਾਰੀਆਂ ਏਜੰਸੀਆਂ ਕੋਲੋਂ ਕਲੀਅਰੈਂਸ ਲੈ ਕੇ ਆਉਂਦੀ ਸੀ। ਅਰੂਸਾ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਉਨ੍ਹਾਂ ਦਾ ਨਾਮ ਕੈਪਟਨ ਅਮਰਿੰਦਰ ਸਿੰਘ ਨਾਲ ਜੋੜਿਆ ਜਾ ਰਿਹਾ ਹੈ। ਉਸ ਨੇ ਕਿਹਾ ਕਿ ਕੈਪਟਨ ਅਮਰਿੰਦਰ ਵਰਗਾ ਜੈਂਟਲਮੈਨ ਪੰਜਾਬ ਦੀ ਰਾਜਨੀਤੀ ਵਿਚ ਕੋਈ ਨਹੀਂ ਹੈ ਅਤੇ ਪੰਜਾਬ ਵਿਚ ਹੁਣ ਘਟੀਆ ਕਿਸਮ ਦੀ ਰਾਜਨੀਤੀ ਹੋ ਰਹੀ ਹੈ।