ਹਲਵਾਰਾ ਹਵਾਈ ਅੱਡੇ ਤੋਂ ਨਵੰਬਰ ਮਹੀਨੇ ਉਡਾਣ ਭਰਨਗੇ ਯਾਤਰੀ ਜਹਾਜ਼

ਪੀ ਡਬਲਿਊ ਡੀ ਬਣਾਵੇਗਾ ਏਅਰਪੋਰਟ ਟਰਮੀਨਲ
ਲੁਧਿਆਣਾ/ਬਿਊਰੋ ਨਿਊਜ਼
ਨਵੰਬਰ ਮਹੀਨੇ ਤੋਂ ਹਲਵਾਰਾ ਏਅਰਪੋਰਟ ਤੋਂ ਯਾਤਰੀ ਜਹਾਜ਼ ਉਡਾਣ ਭਰਨਗੇ। ਪੰਜਾਬ ਸਰਕਾਰ ਨੇ ਏਅਰਪੋਰਟ ਟਰਮੀਨਲ ਬਣਾਉਣ ਦੀ ਪ੍ਰਕਿਰਿਆ ਨੂੰ ਤੇਜ਼ ਕਰ ਦਿੱਤਾ ਹੈ। ਟਰਮੀਨਲ ਅਤੇ ਏਅਰਕਰਾਫਟ ਪਾਰਕਿੰਗ ਏਰੀਆ ਦਾ ਨਿਰਮਾਣ ਹੁਣ ਏਅਰਪੋਰਟ ਅਥਾਰਟੀ ਆਫ ਇੰਡੀਆ ਨਹੀਂ ਬਲਕਿ ਪੀਡਬਲਯੂਡੀ ਕਰੇਗਾ।
ਏਅਰਪੋਰਟ ਅਥਾਰਟੀ ਤੋਂ ਆਪਣੀ ਡਰਾਇੰਗ ਪਾਸ ਕਰਨ ਤੋਂ ਬਾਅਦ, ਇਹ ਜਲਦੀ ਹੀ ਇਸ ਦਾ ਟੈਂਡਰ ਜਾਰੀ ਕਰੇਗਾ। ਹਲਵਾਰਾ ਏਅਰਪੋਰਟ ਟਰਮੀਨਲ ਦਾ ਨਿਰਮਾਣ ਪਹਿਲਾਂ ਏਅਰਪੋਰਟ ਅਥਾਰਟੀ ਅਤੇ ਪੰਜਾਬ ਸਰਕਾਰ ਦੁਆਰਾ ਕੀਤਾ ਜਾਣਾ ਸੀ। ਸਰਕਾਰ ਨੇ ਇਹ ਜ਼ਿੰਮੇਵਾਰੀ ਗ੍ਰੇਟਰ ਲੁਧਿਆਣਾ ਖੇਤਰ ਵਿਕਾਸ ਅਥਾਰਟੀ (ਗਲਾਡਾ) ਨੂੰ ਸੌਂਪੀ ਸੀ। ਇਸ ਦੇ ਲਈ 161.28 ਏਕੜ ਜ਼ਮੀਨ ਐਕੁਆਇਰ ਕੀਤੀ ਜਾਣੀ ਸੀ ਅਤੇ ਬਾਉਂਡਰੀ ਵਾਲ ਅਤੇ ਅਪ੍ਰੋਚ ਰੋਡ ਦੀ ਉਸਾਰੀ ਕੀਤੀ ਜਾਣੀ ਸੀ। ਇਸਦੇ ਨਾਲ ਹੀ, ਏਅਰਪੋਰਟ ਟਰਮੀਨਲ ਅਤੇ ਏਅਰ ਕਰਾਫਟ ਪਾਰਕਿੰਗ ਏਰੀਆ ਦਾ ਨਿਰਮਾਣ ਏਅਰਪੋਰਟ ਅਥਾਰਟੀ ਦੁਆਰਾ ਕੀਤਾ ਜਾਣਾ ਸੀ। ਜਦੋਂ ਏਅਰਪੋਰਟ ਅਥਾਰਟੀ ਨੇ ਆਪਣੇ ਹਿੱਸੇ ਦਾ ਕੰਮ ਨਹੀਂ ਕੀਤਾ ਤਾਂ, ਹੁਣ ਸੂਬਾ ਸਰਕਾਰ ਨੇ ਇਸ ਕੰਮ ਨੂੰ ਖੁਦ ਕਰਵਾਉਣ ਦਾ ਫੈਸਲਾ ਕੀਤਾ ਹੈ। ਲੋਕ ਨਿਰਮਾਣ ਵਿਭਾਗ ਇਹ ਕੰਮ 43 ਕਰੋੜ ਰੁਪਏ ਨਾਲ ਕਰੇਗਾ।