Breaking News
Home / ਜੀ.ਟੀ.ਏ. ਨਿਊਜ਼ / ਬੈਂਕ ਡਕੈਤੀ ਦੇ ਮਾਮਲੇ ‘ਚ ਇਕ ਕਾਬੂ

ਬੈਂਕ ਡਕੈਤੀ ਦੇ ਮਾਮਲੇ ‘ਚ ਇਕ ਕਾਬੂ

ਪੀਲ/ਬਿਊਰੋ ਨਿਊਜ਼ : ਸੈਂਟਰਲ ਰੌਬਰੀ ਬਿਊਰੋ ਦੇ ਜਾਂਚ ਕਰਤਾਵਾਂ ਨੇ ਦੋ ਬੈਂਕ ਡਕੈਤੀਆਂ ਦੇ ਸਬੰਧ ਵਿਚ ਇਕ ਵਿਅਕਤੀ ਨੂੰ ਕਾਬੂ ਕੀਤਾ ਹੈ। ਲੰਘੀ 16 ਅਕਤੂਬਰ ਨੂੰ ਕਰੀਬ 2.30 ਵਜੇ ਇਕ ਸ਼ੱਕੀ ਵਿਅਕਤੀ ਮੈਕਲਾਗਲਿਨਲ ਰੋਡ, ਬਰੈਂਪਟਨ ‘ਤੇ ਇਕ ਫਾਈਨੈਂਸ਼ੀਅਲ ਸੰਸਥਾ ਵਿਚ ਦਾਖਲ ਹੋਇਆ। ਉਸ ਨੇ ਕੈਸ਼ੀਅਰ ਦੇ ਕੋਲ ਜਾ ਕੇ ਹੱਥ ਨਾਲ ਲਿਖਿਆ ਇਕ ਕਾਗਜ਼ ਦੇ ਕੇ ਪੈਸੇ ਮੰਗੇ। ਕੈਸ਼ੀਅਰ ਨੇ ਡਰਦੇ ਹੋਏ ਉਸ ਨੂੰ ਡਾਲਰ ਫੜਾ ਦਿੱਤੇ। ਉਸ ਤੋਂ ਬਾਅਦ ਉਹ ਪੈਦਲ ਹੀ ਮੌਕੇ ਤੋਂ ਫਰਾਰ ਹੋ ਗਿਆ ਸੀ। ਉਹ ਵਿਅਕਤੀ 21 ਅਕਤੂਬਰ ਨੂੰ ਫਿਰ ਹਾਈਵੇ 50, ਬਰੈਂਪਟਨ ਵਿਚ ਇਕ ਫਾਈਨੈਂਸ਼ੀਅਲ ਸੰਸਥਾ ਵਿਚ ਦਾਖਲ ਹੋ ਗਿਆ। ਉਸ ਨੇ ਇਕ ਕਾਗਜ਼ ਫੜਾਉਂਦੇ ਹੋਏ ਕੈਸ਼ੀਅਰ ਕੋਲੋਂ ਪੈਸੇ ਮੰਗੇ। ਕੈਸ਼ੀਅਰ ਨੇ ਵੀ ਉਸ ਨੂੰ ਡਾਲਰ ਫੜਾ ਦਿੱਤੇ। ਲੰਮੀ ਜਾਂਚ ਤੋਂ ਬਾਅਦ ਆਰੋਪੀ ਦੀ ਪਹਿਚਾਣ ਹੋ ਗਈ ਅਤੇ ਉਹ ਬਰੈਂਪਟਨ ਨਿਵਾਸੀ 25 ਸਾਲ ਦਾ ਗੌਰਵ ਜੱਸਲ ਨਿਕਲਿਆ। ਉਸ ਨੂੰ ਉਨਟਾਰੀਓ ਕੋਰਟ ਆਫ ਜਸਟਿਸ ਵਿਚ ਪੇਸ਼ ਕੀਤਾ ਗਿਆ ਅਤੇ ਉਸਦੀ ਜ਼ਮਾਨਤ ਦੀ ਸੁਣਵਾਈ ਵੀ ਹੋਈ। ਪੁਲਿਸ ਨੇ ਕਿਹਾ ਕਿ ਜੇਕਰ ਕਿਸੇ ਨੂੰ ਆਰੋਪੀ ਬਾਰੇ ਕੋਈ ਵੀ ਜਾਣਕਾਰੀ ਹੋਵੇ ਤਾਂ 905-453-2121 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।

Check Also

ਫੋਰਡ ਸਰਕਾਰ ਨੇ ਪੇਸ਼ ਕੀਤਾ 214 ਬਿਲੀਅਨ ਦੇ ਖਰਚੇ ਵਾਲਾ ਬਜਟ

ਲਿਬਰਲ ਆਗੂ ਬੌਨੀ ਕ੍ਰੌਂਬੀ ਨੇ ਬਜਟ ਦੀ ਜਮ ਕੇ ਕੀਤੀ ਆਲੋਚਨਾ ਓਨਟਾਰੀਓ/ਬਿਊਰੋ ਨਿਊਜ਼ : ਡਗ …