Breaking News
Home / ਪੰਜਾਬ / ਫਗਵਾੜਾ ‘ਚ ਖੁੱਲ੍ਹਿਆ ਪੰਜਾਬ ਦਾ 6ਵਾਂ ਨਵਾਂ ਪਾਸਪੋਰਟ ਕੇਂਦਰ

ਫਗਵਾੜਾ ‘ਚ ਖੁੱਲ੍ਹਿਆ ਪੰਜਾਬ ਦਾ 6ਵਾਂ ਨਵਾਂ ਪਾਸਪੋਰਟ ਕੇਂਦਰ

ਫਗਵਾੜਾ/ਬਿਊਰੋ ਨਿਊਜ਼ : ਫਗਵਾੜਾ ਦੇ ਮੁੱਖ ਡਾਕ ਘਰ ਵਿੱਚ ਖੋਲ੍ਹੇ ਗਏ ਨਵੇਂ ਪਾਸਪੋਰਟ ਕੇਂਦਰ ਦਾ ਉਦਘਾਟਨ ਕੇਂਦਰੀ ਰਾਜ ਮੰਤਰੀ ਵਿਜੈ ਸਾਂਪਲਾ ਨੇ ਕੀਤਾ। ਇਸ ਮੌਕੇ ਜਲੰਧਰ ਦੇ ਪਾਸਪੋਰਟ ਅਫ਼ਸਰ ਹਰਮਨਵੀਰ ਸਿੰਘ ਗਿੱਲ ਸਮੇਤ ਕਈ ਅਧਿਕਾਰੀ ਹਾਜ਼ਰ ਸਨ। ਇਸ ਮੌਕੇ ਸਾਂਪਲਾ ਨੇ ਦੱਸਿਆ ਕਿ ਕਪੂਰਥਲਾ, ਨਵਾਂਸ਼ਹਿਰ, ਜਲੰਧਰ ਦਿਹਾਤੀ ਦੇ ਲੋਕਾਂ ਦੀ ਸਹੂਲਤ ਲਈ ਇਹ ਪਾਸਪੋਰਟ ਕੇਂਦਰ ਲਾਹੇਵੰਦ ਸਾਬਤ ਹੋਵੇਗਾ। ਇਹ ਦੇਸ਼ ਦਾ 192ਵਾਂ ਪਾਸਪੋਰਟ ਕੇਂਦਰ ਹੈ ਜਦਕਿ ਪੰਜਾਬ ਦਾ ਇਹ ਛੇਵਾਂ ਕੇਂਦਰ ਹੈ। ਇਸ ਕੇਂਦਰ ਵਿੱਚ ਔਰਤ ਸ਼ਕਤੀਕਰਨ ਤਹਿਤ ਤਿੰਨ ਔਰਤਾਂ ਦੀ ਅਧਿਕਾਰੀਆਂ ਵਜੋਂ ਨਿਯੁਕਤੀ ਕੀਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਅਗਲਾ ਪਾਸਪੋਰਟ ਕੇਂਦਰ ਪਠਾਨਕੋਟ ਵਿੱਚ ਖੋਲ੍ਹਿਆ ਜਾਵੇਗਾ। ਇਸ ਮੌਕੇ ਗਿੱਲ ਨੇ ਦੱਸਿਆ ਕਿ ਇਸ ਕੇਂਦਰ ਵਿਚ ਅਰਜ਼ੀਆਂ ਲੈਣਾ ਅਤੇ ਪ੍ਰੋਸੈਸਿੰਗ ਦਾ ਕੰਮ ਹੋਵੇਗਾ। ਹਰ ਰੋਜ਼ 50 ਦਰਖ਼ਾਸਤਾਂ ਇਸ ਕੇਂਦਰ ਵਿੱਚ ਲਈਆਂ ਜਾਣਗੀਆਂ। ਪਾਸਪੋਰਟਾਂ ਦੀ ਛਪਾਈ ਅਤੇ ਜਾਰੀ ਕਰਨ ਦਾ ਕੰਮ ਜਲੰਧਰ ਤੋਂ ਹੀ ਹੋਵੇਗਾ।

Check Also

ਬਜਟ ਸੈਸ਼ਨ ਦੌਰਾਨ ਮਜੀਠੀਆ ਅਤੇ ਸਿੱਧੂ ਵਿਚਕਾਰ ਤਿੱਖੀ ਬਹਿਸ

ਸਪੀਕਰ ਨੇ ਅਕਾਲੀ-ਭਾਜਪਾ ਵਿਧਾਇਕਾਂ ਨੂੰ ਬਾਹਰ ਕੱਢਣ ਲਈ ਕਿਹਾ ਚੰਡੀਗੜ੍ਹ/ਬਿਊਰੋ ਨਿਊਜ਼ ਪੰਜਾਬ ਵਿਧਾਨ ਸਭਾ ਵਿਚ …