Home / ਕੈਨੇਡਾ / ਡੇਵਿਡ ਲਿਵਿੰਗਸਟਨ ਵੱਲੋਂ ਕੀਤਾ ਗਿਆ ਜੁਰਮ ਬਹੁਤ ਹੀ ਗੰਭੀਰ : ਜੱਜ ਟਿਮੋਥੀ

ਡੇਵਿਡ ਲਿਵਿੰਗਸਟਨ ਵੱਲੋਂ ਕੀਤਾ ਗਿਆ ਜੁਰਮ ਬਹੁਤ ਹੀ ਗੰਭੀਰ : ਜੱਜ ਟਿਮੋਥੀ

ਟੋਰਾਂਟੋ/ਬਿਊਰੋ ਨਿਊਜ਼ : ਦੋ ਗੈਸ ਪਲਾਂਟਸ ਨੂੰ ਰੱਦ ਕਰਨ ਦੇ ਓਨਟਾਰੀਓ ਸਰਕਾਰ ਦੇ ਫੈਸਲੇ ਨਾਲ ਸਬੰਧਤ ਦਸਤਾਵੇਜ਼ਾਂ ਨੂੰ ਡਲੀਟ ਕਰਨ ਦੀ ਕੋਸ਼ਿਸ਼ ਕਰਨ ਵਾਲੇ ਸਾਬਕਾ ਲਿਬਰਲ ਪ੍ਰੀਮੀਅਰ ਡਾਲਟਨ ਮੈਗਿੰਟੀ ਦੇ ਸਹਾਇਕ ਡੇਵਿਡ ਲਿਵਿੰਗਸਟਨ ਨੂੰ ਚਾਰ ਮਹੀਨੇ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ।
ਜੱਜ ਟਿਮੋਥੀ ਲਿਪਸਨ ਨੇ ਆਖਿਆ ਕਿ ਡੇਵਿਡ ਲਿਵਿੰਗਸਟਨ ਵੱਲੋਂ ਕੀਤਾ ਗਿਆ ਜੁਰਮ ਬਹੁਤ ਹੀ ਗੰਭੀਰ ਹੈ। ਲਿਪਸਨ ਨੇ ਆਖਿਆ ਕਿ ਉਸ ਦੀ ਇਸ ਤਰ੍ਹਾਂ ਦੀ ਹਰਕਤ ਜਮਹੂਰੀ ਸੰਸਥਾਵਾਂ ਤੇ ਕਦਰਾਂ ਕੀਮਤਾਂ ਉੱਤੇ ਹਮਲਾ ਹੈ। ਇਸ ਤਰ੍ਹਾਂ ਜਮਹੂਰੀ ਪ੍ਰਕਿਰਿਆ ਦੇ ਰਾਹ ਵਿੱਚ ਅੜਿੱਕਾ ਬਣਨ ਵਾਲੇ ਵਿਅਕਤੀ ਖਿਲਾਫ ਸਖਤ ਕਾਰਵਾਈ ਹੋਣੀ ਚਾਹੀਦੀ ਹੈ। 65 ਸਾਲਾ ਲਿਵਿੰਗਸਟਨ ਨੂੰ ਜੱਜ ਨੇ 12 ਮਹੀਨਿਆਂ ਦੀ ਪ੍ਰੋਬੇਸ਼ਨ ਵੀ ਦਿੱਤੀ ਹੈ ਤੇ ਇਸ ਵਿੱਚ 100 ਘੰਟਿਆਂ ਦੀ ਕਮਿਊਨਿਟੀ ਸੇਵਾ ਵੀ ਸ਼ਾਮਲ ਹੈ। ਬਚਾਅ ਪੱਖ ਦੇ ਵਕੀਲ ਬ੍ਰਾਇਨ ਗੋਵਰ ਨੇ ਆਖਿਆ ਕਿ ਉਨ੍ਹਾਂ ਦੇ ਮੁਵੱਕਿਲ ਵੱਲੋਂ ਇਸ ਸਜ਼ਾ ਖਿਲਾਫ ਅਪੀਲ ਕੀਤੀ ਜਾਵੇਗੀ। ਗੋਵਰ ਨੇ ਆਖਿਆ ਕਿ ਇਹ ਤਾਂ ਬਹੁਤ ਹੀ ਸਖਤ ਸਜ਼ਾ ਹੈ ਤੇ ਅਜਿਹੇ ਮਾਮਲੇ ਵਿੱਚ ਤਾਂ ਇਹ ਸਜ਼ਾ ਹੋਰ ਸਖਤ ਮੰਨੀ ਜਾ ਸਕਦੀ ਹੈ ਜਿਸ ਵਿੱਚ ਅਸਲ ਨੁਕਸਾਨ ਦਾ ਕੋਈ ਸਬੂਤ ਹੀ ਨਹੀਂ ਹੈ। ਲਿਵਿੰਗਸਟਨ, ਜੋ ਕਿ ਪਿਤਾ ਤੇ ਗ੍ਰੈਂਡਫਾਦਰ ਵੀ ਹਨ, ਨੂੰ ਜਨਵਰੀ ਵਿੱਚ ਦੋ ਮਾਮਲਿਆਂ ਵਿੱਚ ਦੋਸ਼ੀ ਪਾਇਆ ਗਿਆ ਸੀ, ਇੱਕ ਤਾਂ ਕੰਪਿਊਟਰ ਦੀ ਗੈਰਕਾਨੂੰਨੀ ਵਰਤੋਂ ਤੇ ਦੂਜਾ ਡਾਟਾ ਨਾਲ ਛੇੜਛਾੜ ਕਰਨ ਦੀ ਕੋਸ਼ਿਸ਼।

Check Also

ਕੈਨੇਡਾ ਸਰਕਾਰ ਵਲੋਂ ‘ਉਨਟਾਰੀਓ ਸਟਾਰਟ-ਅੱਪਸ’ ਵਿਚ ਪੂੰਜੀ ਨਿਵੇਸ਼ ਨਾਲ 400 ਹੋਰ ਨੌਕਰੀਆਂ ਪੈਦਾ ਹੋਣ ਦੀ ਉਮੀਦ : ਸੋਨੀਆ ਸਿੱਧੂ

ਬਰੈਂਪਟਨ/ਬਿਊਰੋ ਨਿਊਜ਼ : ਕੈਨੇਡਾ ਸਰਕਾਰ ਨੇ ਆਪਣੇ ‘ਫੈੱਡਡੇਵ ਓਨਟਾਰੀਓ’ ਪ੍ਰਾਜੈੱਕਟ ਰਾਹੀਂ 5.5 ਮਿਲੀਅਨ ਤੱਕ ਹੋਰ …