Breaking News
Home / ਪੰਜਾਬ / ਤਕਨੀਕੀ ਸਿੱਖਿਆ ਮੰਤਰੀ ਚਰਨਜੀਤ ਚੰਨੀ ਦਾ ਨਵਾਂ ਤਜਰਬਾ

ਤਕਨੀਕੀ ਸਿੱਖਿਆ ਮੰਤਰੀ ਚਰਨਜੀਤ ਚੰਨੀ ਦਾ ਨਵਾਂ ਤਜਰਬਾ

ਟਾਸ ਪਾ ਕੇ ਉਮੀਦਵਾਰ ਨੂੰ ਦਿੱਤਾ ਪੋਸਟਿੰਗ ਸਟੇਸ਼ਨ
ਚੰਡੀਗੜ੍ਹ/ਬਿਊਰੋ ਨਿਊਜ਼
ਤਕਨੀਕੀ ਸਿੱਖਿਆ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਦਫ਼ਤਰ ਵਿਚ ਇਕ ਵੱਖਰਾ ਹੀ ਨਜ਼ਾਰਾ ਸਾਹਮਣੇ ਆਇਆ, ਜਦੋਂ ਟਾਸ ਕਰਕੇ ਦੋ ਲੈਚਕਰਾਰਾਂ ਵਿਚ ਸਹਿਮਤੀ ਕਰਾ ਦਿੱਤੀ ਗਈ। ਤਕਨੀਕੀ ਸਿੱਖਿਆ ਵਿਭਾਗ ਵਲੋਂ ਪਿਛਲੇ ਦਿਨੀਂ ਚੁਣੇ ਗਏ ਮਕੈਨੀਕਲ ਵਿਸ਼ੇ ਨਾਲ ਸਬੰਧਤ 37 ਲੈਕਚਰਾਰ ਪਹੁੰਚੇ ਸਨ। ਚੁਣੇ ਗਏ ਲੈਕਚਰਾਰਾਂ ਨੂੰ ਪੁੱਛ ਕੇ ਉਨ੍ਹਾਂ ਦੇ ਘਰ ਦੇ ਨਜ਼ਦੀਕ ਦੇ ਹੀ ਪੋਸਟਿੰਗ ਸਟੇਸ਼ਨ ਦਿੱਤੇ ਗਏ।
ਜਾਣਕਾਰੀ ਮੁਤਾਬਿਕ ਮਕੈਨੀਕਲ ਟ੍ਰੇਡ ਦੇ ਅਧਿਆਪਕਾਂ ਨੂੰ ਇਸ ਸਬੰਧੀ ਬੁਲਾਇਆ ਗਿਆ ਸੀ ਪਰ ਆਈ. ਟੀ. ਆਈ. ਪਟਿਆਲਾ ਵਿਚ ਇਕ ਹੀ ਅਹੁਦਾ ਖਾਲੀ ਹੋਣ ਅਤੇ ਨਾਭਾ ਤੇ ਦੇਵੀਗੜ੍ਹ ਤੋਂ 2 ਉਮੀਦਵਾਰ ਉਥੇ ਹੋਣ ਕਾਰਨ ਮਾਮਲਾ ਉਲਝ ਗਿਆ। ਦੋਵੇਂ ਉਮੀਦਵਾਰਾਂ ਨੇ ਪਟਿਆਲਾ ਸਟੇਸ਼ਨ ਹੀ ਮੰਗਿਆ। ਹੱਲ ਨਾ ਨਿਕਲਦਾ ਦੇਖ ਸਾਰੇ ਉਮੀਦਵਾਰਾਂ ਦੇ ਸਾਹਮਣੇ ਚਰਨਜੀਤ ਸਿੰਘ ਚੰਨੀ ਨੇ ਕਿਹਾ ਕਿ ਜੇਕਰ ਉਹ ਦੋਵੇਂ ਸਹਿਮਤ ਹੋਣ ਤਾਂ ਪਟਿਆਲਾ ਵਿਚ ਪੋਸਟਿੰਗ ਦਾ ਫੈਸਲਾ ਟਾਸ ਨਾਲ ਕੀਤਾ ਜਾ ਸਕਦਾ ਹੈ। ਦੋਵੇਂ ਉਮੀਦਵਾਰਾਂ ਦੇ ਸਹਿਮਤੀ ਤੋਂ ਬਾਅਦ ਚੰਨੀ ਨੇ ਖੁਦ ਸਿੱਕਾ ਉਛਾਲਿਆ ਤੇ ਇਕ ਉਮੀਦਵਾਰ ਨੂੰ ਪਟਿਆਲਾ ਵਿਚ ਪੋਸਟਿੰਗ ਮਿਲ ਗਈ। ਇਸ ਗੱਲ ਦੀ ਚਾਰੇ ਪਾਸੇ ਚਰਚਾ ਹੋ ਰਹੀ ਹੈ।

Check Also

ਦਰਿਆਵਾਂ ਦੇ ਪ੍ਰਦੂਸ਼ਣ ‘ਤੇ ਐਨਜੀਟੀ ਵੱਲੋਂ ਪੰਜਾਬ ਸਰਕਾਰ ਨੂੰ 50 ਕਰੋੜ ਦਾ ਜੁਰਮਾਨਾ

ਸਤਲੁਜ ਤੇ ਬਿਆਸ ਦਰਿਆਵਾਂ ‘ਚ ਫੈਲ ਰਹੇ ਸਨਅਤੀ ਪ੍ਰਦੂਸ਼ਣ ‘ਤੇ ਕੀਤੀ ਕਾਰਵਾਈ ਜਲੰਧਰ/ਬਿਊਰੋ ਨਿਊਜ਼ : …