Breaking News
Home / ਹਫ਼ਤਾਵਾਰੀ ਫੇਰੀ / ਕੁੰਢੀਆਂ ਦੇ ਸਿੰਙ ਫਸ ਗਏ, ਕੋਈ ਨਿੱਤਰੂ ਵੜੇਵੇਂ ਖਾਣੀ

ਕੁੰਢੀਆਂ ਦੇ ਸਿੰਙ ਫਸ ਗਏ, ਕੋਈ ਨਿੱਤਰੂ ਵੜੇਵੇਂ ਖਾਣੀ

Copy of 15871932_1258531500900172_775294447203321652_n copy copyਲੀਡਰਾਂ ਦੇ ਫੁੱਲੇ ਸਾਹ, ਪੰਜਾਬ ਦੀ ਸੱਤਾ ਦਾ ਫੈਸਲਾ ਹੁਣ ਪੰਜਾਬੀਆਂ ਦੇ ਹੱਥ
ਚੰਡੀਗੜ੍ਹ/ ਦੀਪਕ ਸ਼ਰਮਾ
”ਕੁੰਢੀਆਂ ਦੇ ਸਿੰਙ ਫਸ ਗਏ ਕੋਈ ਨਿੱਤਰੂ ਵੜੇਵੇਂ ਖਾਣੀ” ਇਹ ਪੰਜਾਬੀ ਅਖਾਣ ਪੰਜਾਬ ਦੇ ਮੌਜੂਦਾ ਸਿਆਸੀ ਦ੍ਰਿਸ਼ ‘ਤੇ ਪੂਰੀ ਤਰ੍ਹਾਂ ਫਿੱਟ ਬੈਠਦਾ ਹੈ। ਵੋਟਾਂ ਪੈਣ ਲਈ ਤਿਆਰ ਹਨ। ਲੀਡਰਾਂ ਨੇ ਹਰ ਦਾਅ ਖੇਡ ਲਿਆ ਹੈ ਤੇ ਹੁਣ ਉਨ੍ਹਾਂ ਦਾ ਸਾਹ ਫੁੱਲਣ ਲੱਗਾ ਹੈ। ਪੰਜਾਬ ਦੀ ਸੱਤਾ ਕਿਸ ਨੂੰ ਦੇਣੀ ਹੈ ਇਸ ਦਾ ਫੈਸਲਾ ਹੁਣ ਪੰਜਾਬੀਆਂ ਦੇ ਹੱਥ ਹੈ। ਜਦੋਂ ਤੱਕ ‘ਪਰਵਾਸੀ’ ਦਾ ਇਸ ਤੋਂ ਅਗਲਾ ਅੰਕ ਤੁਹਾਡੇ ਹੱਥਾਂ ਵਿਚ ਆਵੇਗਾ ਤਦ ਤੱਕ ਪੰਜਾਬ ਦਾ ਚੋਣ ਭਵਿੱਖ ਵੋਟਿੰਗ ਮਸ਼ੀਨਾਂ ਵਿਚ ਕੈਦ ਹੋ ਚੁੱਕਿਆ ਹੋਵੇਗਾ। ਚਰਚਾ ਵਿਚ ਸਭ ਤੋਂ ਵੱਧ ਆਮ ਆਦਮੀ ਪਾਰਟੀ ਹੈ। ਦੌੜ ਵਿਚ ਕਾਂਗਰਸ ਵੀ ਲਾਗੇ ਪਾਸੇ ਹੀ ਹੈ। ਦੋਵੇਂ ਦਲਾਂ ਦੇ ਤਕੜੇ ਮੁਕਾਬਲੇ ਵਿਚੋਂ ਅਕਾਲੀ-ਭਾਜਪਾ ਵੀ ਆਪਣੇ ਲਈ ਥਾਂ ਲੱਭ ਰਿਹਾ ਹੈ। ਵੱਖੋ-ਵੱਖ ਸਰਵਿਆਂ ਅਨੁਸਾਰ ਮਾਲਵੇ ਵਿਚ ‘ਆਪ’ ਮੋਹਰੀ ਹੈ ਜਦਕਿ ਮਾਝੇ ‘ਚ ਕਾਂਗਰਸ ਪੂਰੀ ਤਰ੍ਹਾਂ ਮਜ਼ਬੂਤ ਹੈ ਤੇ ਦੁਆਬੇ ਵਿਚ ਕਾਂਗਰਸ, ਅਕਾਲੀ-ਭਾਜਪਾ ਦੇ ਨਾਲ ‘ਆਪ’ ਵੀ ਦੁਬਿਧਾ ਵਿਚ ਹੈ। ਅਕਾਲੀ ਦਲ ਅਤੇ ਕਾਂਗਰਸ ਦੇ ਕੱਦਾਵਰ ਲੀਡਰਾਂ ‘ਤੇ ਵੀ ਆਮ ਆਦਮੀ ਪਾਰਟੀ ਦਾ ਚੋਣ ਨਿਸ਼ਾਨ ਭਾਰੂ ਪੈਂਦਾ ਦਿਖ ਰਿਹਾ ਹੈ। ਕਹਿਣ ਨੂੰ ਪਹਿਲੀ ਵਾਰ ਹੈ ਕਿ ਮੁਕਾਬਲਾ ਤਿਕੋਣਾ ਹੈ ਪਰ ਵੋਟਾਂ ਦੇ ਆਖਰੀ ਪੜਾਅ ‘ਤੇ ਪਹੁੰਚਦਿਆਂ ਪਹੁੰਚਦਿਆਂ ਇਹ ਮੁਕਾਬਲਾ ਆਪ ਬਨਾਮ ਕਾਂਗਰਸ ਆਹਮੋ-ਸਾਹਮਣੇ ਦਾ ਬਣ ਗਿਆ ਹੈ ਤੇ ਵੱਡੀਆਂ ਤੋਪਾਂ ਵੀ ਫਸੀਆਂ ਹੋਈਆਂ ਹਨ।

Check Also

ਚਰਚਾ ਜ਼ੋਰਾਂ ‘ਤੇ : ਮਨਜੀਤ ਸਿੰਘ ਜੀ ਕੇ ਦਾ ਅਸਤੀਫ਼ਾ

ਜੀ ਕੇ ਨੇ ਆਖਿਆ ਛੁੱਟੀ ਤੇ ਗਿਆਂ ਹਾਂ ਨਹੀਂ ਦਿੱਤਾ ਅਸਤੀਫ਼ਾ ਕਿਹਾ : ਡੇਰਾ ਮੁਖੀ …